Глава Российского Императорского Дома Е.И.В. Государыня Великая Княгиня Мария Владимировна, её сын и наследник Е.И.В. Государь Цесаревич и Великий Князь Георгий Михайлович и его Невеста Госпожа Виктория Романовна поздравляют соотечественников с Праздником Светлого Христова Воскресения и благодарят за присланные поздравления.

Их Императорские Высочества желают всем соотечественникам и друзьям России во всём мiре здравия, пасхальной радости, благополучия и помощи Божией.

ВОИСТИНУ ВОСКРЕСЕ ХРИСТОС!

***

Стихира, глас 6:

Воскресе́ние Твое́ Христе́ Спа́се, / А́нгели пою́т на Небесе́х, / и нас на земли́ сподо́би / чи́стым се́рдцем / Тебе́ сла́вити.

***

Тропарь, глас 5:

Христо́с воскре́се из ме́ртвых, / сме́ртию смерть попра́в, // и су́щим во гробе́х живо́т дарова́в.

***

Ипакои, глас 4:

Предвари́вшыя у́тро я́же о Мари́и / и обре́тшыя ка́мень отвале́н от гро́ба, / слы́шаху от А́нгела: во све́те присносу́щнем Су́щаго, / с ме́ртвыми что и́щете я́ко челове́ка; / ви́дите гро́бныя пелены́, тецы́те, и ми́ру пропове́дите, / я́ко воста́ Госпо́дь, умертви́вый смерть: // я́ко есть Сын Бо́га, спаса́ющаго род челове́ческий.

***

Кондак, глас 8:

А́ще и во гроб снизше́л еси́ Безсме́ртне, / но а́дову разруши́л еси́ си́лу, и воскре́сл еси́ я́ко победи́тель Христе́ Бо́же, / жена́м мироно́сицам веща́вый, ра́дуйтеся: / и Твои́м апо́столом мир да́руяй, // па́дшим подая́й воскресе́ние.

***

Задостойник, глас 1:

А́нгел вопия́ше Благода́тней: / Чи́стая Де́во, ра́дуйся, / и па́ки реку́, ра́дуйся: / Твой Сын воскре́се / тридне́вен от гро́ба, / и ме́ртвыя воздви́гнувый, // лю́дие весели́теся.

Свети́ся, свети́ся но́вый Иерусали́ме: / сла́ва бо Госпо́дня на Тебе́ возсия́. / Лику́й ны́не, и весели́ся Сио́не. / Ты же Чи́стая красу́йся Богоро́дице, // о воста́нии рождества́ Твоего́.