Великая Ектения

 

Священник или диакон: Миром Господу помолимся.

Лик: Господи, помилуй.

 

Священник или диакон: О свышнем мире, и спасении душ наших, Господу помолимся.

Лик: Господи, помилуй.

 

Священник или диакон: О мире всего мира, благостоянии Святых Божиих Церквей и соединении всех, Господу помолимся.

Лик: Господи, помилуй.

 

Священник или диакон: О святей обители сей (или о святем храме сем) и с верою, благоговением и страхом Божиим входящих в ню (или в онь), Господу помолимся.

Лик: Господи, помилуй.

 

Священник или диакон: О Великом Господине и отце нашем Святейшем ПАТРИАРХЕ КИРИЛЛЕ, и о Господине нашем (имярек), честнем пресвитерстве, во Христе диаконстве, о всем причте и людех, Господу помолимся.

Лик: Господи, помилуй.

 

Священник или диакон: О Благочестивейшей Благоверной Государыне нашей ВЕЛИКОЙ КНЯГИНЕ МАРИИ ВЛАДИМИРОВНЕ всея России, Господу помолимся.

Лик: Господи, помилуй.

 

Священник или диакон: О Наследнике ЕЯ, Благоверном Государе Цесаревиче и ВЕЛИКОМ КНЯЗЕ ГЕОРГИИ МИХАЙЛОВИЧЕ, и о супруге его Благоверной КНЯГИНЕ ВИКТОРИИ РОМАНОВНЕ, и о сыне их Благоверном КНЯЗЕ АЛЕКСАНДРЕ ГЕОРГИЕВИЧЕ Господу помолимся.

Лик: Господи, помилуй.

 

Священник или диакон: О Богохранимей стране нашей, Властех и Воинстве ея, Господу помолимся.

Лик: Господи, помилуй.

 

Священник или диакон: О пособити и покорити под нозе их всякаго врага и супостата, Господу помолимся.

Лик: Господи, помилуй.

 

Священник или диакон: О Граде сем, всяком граде, стране и верою живущих в них, Господу помолимся.

Лик: Господи, помилуй.

 

Священник или диакон: О благорастворении воздухов, о изобилии плодов земных и временех мирных, Господу помолимся.

Лик: Господи, помилуй.

 

Священник или диакон: О плавающих, путешествующих, недугующих, страждущих, плененных, и о спасении их, Господу помолимся.

Лик: Господи, помилуй.

 

Священник или диакон: О избавитися нам от всякия скорби, гнева и нужды, Господу помолимся.

Лик: Господи, помилуй.

 

Священник или диакон: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

 

Священник или диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Лик: Тебе, Господи.

 

Архиерей же или иерей возглашает:

Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.

Лик: Аминь.