Российский
Императорский Дом

Официальный сайт
Династии Романовых

ВКонтакте
Одноклассники

Октоврий

20 сентября/3 октября. Святых Мученик и Исповедник Великаго Князя Михаила и болярина его Феодора Черниговских Чудотворцев.

Тропарь, глас 4: Жизнь вашу мученически совершивше, исповедания венцы украсившеся, к небесным востекосте, Михаиле премудре, с доблим Феодором: молите Христа Бога сохранити Отечество наше, ВЕЛИКУЮ КНЯГИНЮ же и люди, по велицей Его милости.

Кондак, глас 8. Подобен: Взбранной: Царство земное в ничтоже вменив, славу яко преходящую оставил еси: самозван пришед к подвигом, Троицу проповедал еси пред нечестивым мучителем, страстотерпче Михаиле, с доблим Феодором: Царю сил предстояще, молите без вреда сохранити Отечество наше, ВЕЛИКУЮ КНЯГИНЮ же и люди, да вас непрестанно почитаем.

21 сентября/4 октября. Иже во святых отца нашего Димитриа Митрополита Ростовскаго.

Тропарь, глас 8: Православия ревнителю, российский целебниче, и новый к Богу молитвенниче, списанми твоими буих уцеломудрил еси, цевнице духовная, Димитрие блаженне, моли Христа Бога спастися ВЕЛИКОЙ КНЯГИНЕ нашей МАРИИ ВЛАДИМИРОВНЕ, и всему наследию, и державе ЕЯ.

1/14 октября. Покров Пресвятыя Владычицы нашея Богородицы и Приснодевы Марии.

Тропарь, глас 4: Днесь, благовернии людие, светло празднуем, осеняеми Твоим, Богомати, пришествием, и к Твоему взирающе Пречистому Образу, умильно глаголем: покрый нас честным Твоим Покровом, и избави нас от всякаго зла, молящи Сына Твоего, Христа Бога нашего, спасти души наша.

Кондак, глас 3: Дева днесь предстоит в церкви, и с лики святых невидимо за ны молится Богу: аггели со архиереи покланяются: апостоли же со пророки ликовствуют: нас бо ради молит Богородица Превечнаго Бога.

4/17 октября. Обретение честных мощей иже во святых отец наших Гуриа Архиепископа Казанскаго и Варсанофиа Епископа Тферскаго.

Кондак Варсанофиа, глас 6: Воздержанием тело духу поработив, душу же равноангельну сотворил еси: сего ради святительства саном почется, чисте чистейшему предстоиши. Моли Христа Бога, Святителю, спасти ВЕЛИКУЮ КНЯГИНЮ нашу Вседержавную, благочестия Содержительницу, и люди твоя, святе, да вси вопием ти: радуйся, отче преподобне Варсанофие, граду нашему Казани похвала и утверждение.

 

Please publish modules in offcanvas position.